झापा । रास्वपा सचिवालय बैठकले ४८ महिला र ९ जना पुरुष गरी ५७ समानुपातिक सांसदहरुको नाम सिफारिस गरेको छ । रास्वपाले क्लस्टरअनुसार खस आर्य १७ ,आदिवासी जनजाति १६ ,मधेशी ९ ,दलित ८ ,थारू ४ र मुस्लिम ३ जनाको नाम प्रस्ताव गरेको हो ।
सचिवालय सदस्य गणेश पराजुलीका अनुसार पार्टीका प्रवक्ता मनिष झाले सचिवालयले जिम्मेवारी दिएर कमर्चारी र सचिवालय सदस्यहरूबाट आइतबार नै तोकिएको समयभित्र नाम निर्वाचन आयोगमा पठाइने बताए ।
निर्वाचन आयोगको केन्द्रीय कार्यालयमा नाम बुझाएपछि उहाँहरूले रूजु गर्नुहुन्छ र प्रमाणीकरणको प्रक्रिया हुन्छ । त्यसपछि निर्वाचन आयोगले सो नामहरू सार्वजनिक गर्छ । राजनीतिक र कानुनी रूपमा आयोगले नामहरू प्रमाणित नगरेसम्म ती नाम हाम्रो तर्फबाट प्रस्तावित नाम मात्र हुने उनले जनाए ।
फागुन २१ मा सम्पन्न निर्वाचनमा रास्वपाले प्रत्यक्षतर्फ १२५ र
समानुपातिकतर्फ ५७ सिट हासिल गरेको छ ।
