छिमेकी युवतीलाई जवर्जस्ती करणी गरी ८ महिनाको गर्भ बोकाउने झापा मेचीनगरका एक व्यक्ति पक्राउ परेका छन् ।
इलाका प्रहरी कार्यालय धुलावारीले मेचीनगर नगरपालिका–१५ बस्ने ४० वर्षीय अशोककुमार राईलाई पक्राउ गरेको हो । पीडित युवतीकी आमाले जाहेरी दिएपछि हिजो नै राईलाई पक्राउ गरिएको प्रहरीले जनाएको छ । हाल १८ वर्ष पुगेर साबालक भएपनि नाबालक हुँदाखेरि नै राईले ती युवतीलाई ललाई फकाई जवर्जस्ती करणी गरेका थिए ।
पीडित युवती र उनकी आमा न्याय खोज्दै मेचीनगर नगरपालिका गएका थिए । नगरपालिकाले बलात्कार मुद्धा हेर्न नमिल्ने भनेर प्रहरीकहाँ पठाएको थियो । आरोपित राईका श्रीमती र छोराछोरी छन् । युवतीलाई आफन्त नेपाल काँकडभिट्टाको संरक्षणमा राखिएको छ । राईलाई इलाका प्रहरी कार्यालय धुलाबारीमा राखिएको छ । उनीमाथि आवश्यक अनुसन्धान भइरहेको जनाइएको छ ।
