झापाको अर्जुनधारा–५ स्थित भानु माध्यमिक विद्यालयका एक शिक्षकमाथि छात्रामाथि यौन दुर्व्यवहार गरेको आरोप लागेको छ।
विद्यालयका शिक्षक दुर्गा शिवाकोटीविरुद्ध भानु माविका छात्राहरूले आज सामूहिक रूपमा इलाका प्रहरी कार्यालय बिर्तामोडमा जाहेरी दर्ता गरेका छन्। छात्राहरूका अनुसार शिक्षकले विभिन्न प्रलोभन देखाउँदै व्यक्तिगत रूपमा भेट्न दबाब दिएका थिए भने घटनाबारे कसैलाई जानकारी दिए परिणाम भोग्नुपर्ने भन्दै धम्कीसमेत दिएका थिए।
जाहेरी दर्तापछि प्रहरीले शिक्षक शिवाकोटीलाई नियन्त्रणमा लिएको जनाएको छ। घटनाबारे थप अनुसन्धान भइरहेको प्रहरी स्रोतले जानकारी दिएको छ।
