झापा । प्रहरी प्रधान कार्यालयले समय अगावै दुई जिल्लाका प्रहरी प्रमुख हेडक्वाटार तानेकाे छ ।
प्राप्त समाचार अनुसार सिराहाका प्रहरी प्रमुख एसपी सन्तोष आचार्य र इलामका एसपी वासुदेव खतिवडालाई परिवर्तन गरिएकाे हाे । एसपी आचार्यकाे ठाँउमा रमेश पण्डितलाई पठाइएको छ भने इलाममा कसलाई पठाउने टुंगो लागिनसकेको जानकारीमा आएकाे छ ।
सिराहामा आचार्यलाई फागुन १ को सरुवामा पठाइएको थियो । इलामका खतिवडाको पनि एक वर्ष अवधि नपुग्दै सरुवा गरिएको हो । उनीहरुलाई हटाउनुको कारणबारे प्रहरी प्रधान कार्यालयले बताएको छैन ।
यसअघि २३ चैत २०८० मा पनि समय नपुग्दै ७ जिल्लाका एसपीहरु हटाइएका थिए । तीमध्ये कतिपय एसपी विवादास्पद छविका थिए ।
