झापा । ब्राउन सुगर छाडेर भागेका व्यक्तिमाथि झापा प्रहरीले २ राउण्ड हवाई फायर गरेकाे छ । विशेष सुचनाको आधारमा झापा कनकाई नगरपालिका वडा नं. ५ तल्लो चाप्रामारी स्थित सुरुङगा-झापा सडक खण्डमा शरणामतीबाट सुरुङगा तर्फ आउदै गरेको BR 37T 9198 नं.को मोटरसाईकलमा सवार व्यक्तिलाइ रोकि चेकजाँच गर्न खोज्दा प्रहरी टोलीलाई देख्ना साथ मोटरसाइकल र ब्याग घट्नास्थला नै छोडि निज फरार भएपछि प्रहरीले हवाइ फायर गरेकाे जनाएकाे छ ।
घटना साेमबार विहान ९ तिरकाे हाे । अभियुक्तको खोजतलाश भइरहेको जिल्लाका डिएसपी खगेन्द्रबहादुर खड्काले जानकारी दिए । व्यक्ति फरार भएपछि ३०३ राईफलबाट २ राउण्ड हवाई फायर भएको उनले जनाए । निजले चढेको मोटरसाईकल, बोकेको झोला बाटोमै छाडी भागेकोले उक्त झोला खोली हेर्दा ब्राउन सुगर जस्तो देखिने २ पोका बस्तु अन्दाजी २०० ग्राम तौल भएकाे उनले जनाए । माेटरसाइकल प्रहरीकाे नियन्त्रणमा रहेकाे जनाइएकाे छ । ज्घङनास्थल सामान्य रहेकोको प्रहरीले जनाएकाे छ ।
