झापा । अर्थमन्त्री डा. प्रकाशशरण महतले काँकडभिट्टा नाकामा निगरानी बढाउन भन्सार कार्यालयलाई निर्देशन दिएका छन् । दमक महाेत्सवकाे उदघाटन गर्न आइतबार झापा आएका महतले मेची भन्सार कार्यालय काँकडभिट्टा आएका अर्थमन्त्री महतले भन्सारले लक्ष्य अनुसार राजश्व उठाउँन नसकेकाे भन्दै चाेरी पैठारी राेक्न कार्यालय प्रमुखलाई निर्देशन दिएका हुन् ।
नाकाबाट भन्सार छलेर अवैधरूपमा सामानहरू भित्रिएका कारण राजश्व संकलनमा कमि आएको भन्दै त्यस्ता गतिविधि राेक्न र राजश्व वृदि गर्न भन्सारलाई उनले निर्देशन दिएका थिए ।
मेची भन्सार कार्यालयका प्रमुख भन्सार अधिकृत रामप्रसाद रेग्मीले भन्सार कार्यालय निरीक्षण गर्न अर्थमन्त्रीज्यु काँकडभिट्टा नाका आउनु भएको बताए ।
मन्त्रीज्युलाई भन्सारकाे प्रगति विवरणका बारेमा जानकारी गराइएकाे रेग्मीले जानकारी दिए । उनले लक्ष्य अनुसार राजश्व नउठेका कारण राजश्व उठाउन पहल गर्न मन्त्री ज्युले अनुराेध गरेकाे बताए ।
त्यसैगरी अर्थमन्त्री महतले भद्रपुर भन्सार कार्यालयको निरीक्षण
गरेका थिए । महतले नेपाल–भारत सीमा नाका
भद्रपुरस्थित मेची पुलसँगै भन्सार कार्यालयको निरीक्षण गरेका थिए ।
अर्थमन्त्री डा. महतले भन्सारको वर्तमान विषय वस्तुको बारेमा जानकारी लिएका
थिए ।
निरीक्षणमा पुगेका डा. महतलाई यहाँका सरोकारवाला पक्षले भन्सारले अधिग्रहण
गर्न लागेको जग्गाको बाँकी मुआब्जा रकम निकासा र भारततर्फको गलगलिया भन्सार
कार्यालयको स्तोरन्नतीका लागि तत्काल पहल गरिदिन आग्रह गरेका छन् ।
छोटीबाट मूल भन्सारमा स्तोरन्नती गरिएको भद्रपुर भन्सारको भौतिक संरचना अझै
निर्माण हुन नसकेको र अधिग्रहण गर्न लागेको जग्गाको मुआब्जा रकम कुल ६१
करोडमध्ये १० करोड रकम मात्र उपलब्ध भएकोले बाँकी रकम तत्काल निकासा गरिदिन
अर्थमन्त्री डा. महतको ध्यानाकर्षण गराइएको भद्रपुर ५ नम्बर वडा अध्यक्ष
बन्धु कार्कीले जानकारी दिए ।
अर्थमन्त्रीले त्यसको लागि छिट्टै पहल गर्न आश्वासन दिनुभएको उनले बताए
। सो निरीक्षण कार्यक्रममा भद्रपुर नगर प्रमुख गणेश पोखरेलसहित उद्योगी तथा
व्यापारीहरूको सहभागिता रहेको थियो । भद्रपुर भन्सारको निरीक्षण पश्चात्
अर्थमन्त्री डा. महत आन्तरिक राजश्व कार्यालय झापाको समेत निरीक्षण गर्दै
कामकाजलाई चुस्त दुरुस्त बनाउन कर्मचारीहरूलाई निर्देशन समेत दिएका थिए ।
