झापा। झापामा कुल ७ लाख १३ हजार ५३५ जना मतदाताले मतदान गर्न पाउने छन् । जिल्लाको ५ वटा निर्वाचन क्षेत्रमा प्रतिनिधिसभा सदस्य निर्वाचनमा प्रतिनिधिसभा निर्वाचन २०७९ को तुलानामा ५०२२६ जना मतदाता संख्या थपिएको छ भने ४९ मतदान केन्द्र घटाइएको छ ।
जिल्ला निर्वाचन कार्यालय झापाले दिएकाे विवरण अनुसार क्षेत्र नम्बर १ मा ६५ हजार ८ सय ५८ पुरुष र ६५ हजार २ सय ९ जना महिला मतदाता रहेका छन् । सो क्षेत्रमा ४५ मतदान स्थल र १४५ मतदान केन्द्रहरु रहेका छन् ।
क्षेत्र नम्बर २ मा ७३ हजार ९ सय ५० पुरुष, ७३ हजार ५ सय ६७ महिला र ५ जना अन्य मतदाता रहेका छन् भने ४९ मतदान स्थल र १६५ मतदान केन्द्रहरु रहेका छन् ।
क्षेत्र नम्बर ३ मा ७१ हजार १ सय ७४ पुरुष र ६९ हजार ८ सय ६३ जना महिला मतदाता र ६७ मतदान स्थल तथा १६४ मतदान केन्द्र रहेका छन् ।
क्षेत्र नम्बर ४ मा ६६ हजार २ सय ८३ पुरुष, ६४ हजार ४ सय २८ महिला र १ जना अन्य मतदाता र ६३ मतदान स्थल तथा १६५ मतदान केन्द्र रहेका छन् ।
क्षेत्र नम्बर ५ मा ८१ हजार ०८१ पुरुष, ८२ हजार २९६ महिला र २ जना अन्य मतादाता रहेका छन् । सो क्षेत्रमा ६१ मतदान स्थल र १८५ मतदान केन्द्र रहेको निर्वाचन कार्यालय झापाले जनाएको छ ।
