साङ्केतिक तस्वीर
झापा । झापाको बिर्तामोडमा पानीमा डुबेर एकजनाको मृत्यु भएको छ । मृत्यु हुनेमा बिर्तामोड १० इलामेली टोल बस्ने ३५ वर्षीय सुनिल मुर्मु रहेकाे जिल्ला प्रहरी कार्यालय झापाले जनाएकाे छ ।
आज दिउँसो २.४५ बजेको समयमा घरनजिकै रहेको पैनीमा डुबेर मृत्यु भएको जिल्लाका डिएसपी कृष्णकुमार चन्दले जानकारी दिए । स्थानीयले देखेर प्रहरीलाइ जानकारी गराएपछि अनुसन्धान तथा कानुनी प्रकृयाको लागि इलाका प्रहरी कार्यालय अनारमनीबाट टोली खटिएको जिल्ला प्रहरी कार्यालयले जनाएको छ ।
